"Азаттыктын" Оштогу кабарчысы. Ош мамлекеттик университетинин журналистика факультетин аяктаган.
Ош шаарынын мурдагы мэри Кадырбаев 4-октябрга чейин камалганы белгилүү болду. Анын бөгөт чарасы 26-августта Бишкектин Биринчи май райондук сотунда каралып, ага Кылмыш-жаза кодексинин “Коррупция” беренеси менен кылмыш иши козголгонун соттон ырасташты.
Ош шаарынын мурунку мэри Айтмамат Кадырбаевдин кармалганы тууралуу өткөн аптада айтылганы менен Ички иштер министрлиги маалымат бере элек. Анын кармалып, камалганын Бишкектин Биринчи май райондук сотунун басма сөз кызматы 2-сентябрда ырастады.
Алай районунда “Эркечтам” бажы бекетинин аймагында милиция кызматкерлери менен жаңжалдашкан үч кытайлык жаран кармалды. Аларга карата кылмыш иши козголуп, ыкчам-тергөө амалдары башталды. Милиция ошол учурда абалды жайгаруу үчүн асманга ок чыгарганганга аргасыз болгон.
Кыргыз-өзбек чек арасында Өзбекстандын аймагына өтүп кеткени айтылган Чаткалдын Айгыр-Жал айылынын эки тургуну чек арачылардын огунан каза болду. Эки апта мурун болгон окуя коомчулукка 1-сентябрга белгилүү болду. Маркумдардын сөөгүн өзбек тарап 1-сентябрда өткөрүп берген.
Чаткалдан Өзбекстандын аймагына өтүп кеткен эки кыргызстандык чек арачылардын огунан каза болгону кабарланды.
Быйыл эгемендүүлүктүн 34 жылдыгы Жалал-Абад шаарында белгиленип жатат.
Ошто 23 жылдан бери аялдарга колдоо көрсөткөн “Ак жүрөк” кризистик борбору имаратсыз калып, ага кайрылгандарды жайгаштыруу маселеси чечилбей турат. Алар ушул убакка чейин жайгашкан имарат башка бир мекемеге берилип, кризистик борборго көчүп кеткиле деген талап коюлган.
Ош шаарындагы каналдардын жээктери бошотулуп, корук зонасы ачылууда. Шаарды жети канал жана бир дарыя аралап өтөт. Көбү тосуп алышкандыктан элдин каналдар тууралуу маалыматы дээрлик жок болчу. Мэрия бул каналдардын, Ак-Буура дарыясын ээлеп алгандардын арасында чиновниктер бар экенин билдирген.
Ош облусунун Кара-Суу районундагы Октябрь айылында жаңы салып жаткан турак үйлөрү сүрдүрүлгөн 10дон ашык жаран президенттин Ош облусундагы өкүлүнө кайрылды. Алар аталган жер тилкесине 2018-жылы токтом чыгып, элге бөлүнүп берилгенин, учурда жашап жаткандар да бар экенин айтып жатышат.
Ошто буга чейин бузулган базарларда соода кылган 200гө чукул жаран жаңы базардан орун жетпей калганынына нааразы болуп чогулду. Алар шаардагы “Бостон”, “Бексултан” базарында, мурунку автобекеттин айланасында соода кылышчу.
Ош мэриясы "Келечек" базарында соода кылган 150дөн ашык адамга жаңы муниципалдык базардан орун берилгенин айтты. Ал тапта соодагерлердин айрымдары түнү менен базардан кетпей, соода жайынын көчүрүлүшүнө каршы болууда.
Оштогу "Келечек" базарынын көчүрүүгө каршы болуп жаткан соодагерлер менен мэр Жеңишбек Токторбаев жолукту. Ал базардын айынан тыгын жаралып жатканын айтып, соода жайы 31-июлдан тарта көчүрүлөрүн билдирди. Андагы 400 соодагерге жаңы муниципалдык базардан бекер жай берип жатканын кошумчалады.
Беш баланын энеси, 38 жаштагы Айзирек Эралиеваны өлтүрүүгө айыпталган күйөөсү 18 жылга кесилди. Маркум келиндин жакындары шектүүнү өмүрүнүн аягына чейин камоону талап кылышкан.
Атайын кызмат Оштогу жогорку окуу жайлардан 13 миңден ашык студент окуудан чыгарылганын билдирди. Эксперттер муну “жел эсептеги” студенттерге каршы күрөш десе, университет жетекчилиги мындай тазалоо жыл сайын эле жүрүп келатканын айтууда.
Кыргызстандын айрым жогорку окуу жайларында ондогон студенттин окуудан айдалышы билим берүү тармагындагы олуттуу көйгөйлөрдү ачыкка чыгарды. Эксперттер бул көрүнүштү "жел студенттерге" каршы күрөш катары баалап жатса, атайын кызмат мыйзам бузууга шектүүлөрдү териштирүүдө.
Оштогу Кара-Суу базарынын жетекчиси менен соодагердин ортосундагы чыр чыгып, милиция териштирип жатканы белгилүү болду. Мунун алында соцтармактарда Кара-Суу базарында иштеген соодагерди базардын жетекчиси ур-токмокко алганы тууралуу видео тарап, анда бети-башы канжалаган адамды көрүүгө болот.
Ош облусунун Кара-Суу районунда кайненесин өлтүрүп, аялы оор абалда жаткан шектүүнүн окуясы Кыргызстандагы зомбулук маселесин кайрадан күн тартибине чыгарды. Үрөй учурган окуя 20-июнда болгон.
Оштогу “Келечек” базарында соода кылгандар шаарда жаңы салынган базарга көчүүгө каршы болууда. Миңден ашык соодагер иштеген базарда көбүн эсе кийим-кече сатылат. Шаар бийлиги өткөн жылдагы селден кийин борбордук базарды көчүрүүнү чечип, жаңысын кура баштаган.
Ош шаарындагы Навои көчөсүнүн 50дөй тургуну калаадагы жолдорду кеңейтүү үчүн турак жайлары мыйзамсыз сүрдүрүлүп жатканын айтып, президентке кайрылды. Алар жеке менчиктин кол тийбестиги бузулуп жатат деп арызданышты. Ош мэриясы кенемте маселеси каралып жатканын билдирди.
Жалал-Абаддын Сузак районунун тургуну Имигүлсүн Сапарова баласы армияга баргандан бир апта өтпөй ооруп, жакындарын тааныбай жатканын айтып "Азаттыкка" кайрылды.
Дагы жүктөңүз
